ԲՀԿ առաջնորդ Գագիկ Ծառուկյանի մարզային այցերը շարունակվում են, այս անգամ նա այցելել է Կոտայքի մարզ։
«Յուրաքանչյուր կանգառում զգում եմ մարդկանց վստահությունն ու սպասումները։
Գյուղերում խնդիրները շատ են, և հաճախ գյուղացին մնում է միայնակ իր հոգսերի հետ։
Մեր մոտեցումը հստակ է՝ գյուղը պետք է դառնա ոչ թե գոյատևման, այլ արժանապատիվ եկամուտի աղբյուր։ Գյուղացին մեր երկրի հենասյունն է՝ սահման պահողը, բերք ու բարիք ստեղծողը, ժողովրդին կերակրողը։
Գյուղի զարգացումն է երկրի ամրությունը, իսկ գյուղացու բարեկեցությունը՝ մեր առաջնահերթությունը»,– գրել է նա Facebook–ի իր էջում ու տեսանյութ հրապարակել։
Հանդիպման ժամանակ Ծառուկյանը նշեց. «Իմ սիրը ցավում է։ Ես այսօր ոչ մի բանի խնդիր չունեմ, բայց տեսնելով իմ ազգի խեղճությունը, կոտրվածությունը, որ փայլուն ապագա չկա, տեսնում եմ, գյուղերի պատերի տակ նստած մարդկանց, վարկի ու պարտքերի տակ, սիրտս ցավում է։ Եթե գյունախարարություն չկա, մարդը ի՞նչ պետք է անի, սերմ չկա, պարարտանյութ չկա, վառելիք չկա, ջուր չկա։ Մարդը կամ պետք է թողնի, էս երկրից գնա, կամ պետք է գնա քաղաք։ Գյուղացին սահման պահողն է, բերքուբարիք ստեղծողն է։ Գյուղնախարարությունն ինչի՞ են փակում, բա գյուղացիով ո՞վ է զբաղվելու»։
Անդրադառնալով կենսաթոշակների խնդրին, ԲՀԿ առաջնորդն ասաց. «Որ ես ասեմ՝ վաղը թոշակը 200 հազար է լինելու, սուտ է, ես տենց բան չեմ կարող ասել։ Պետք է տնտեսությունը զարգանա, բյուջեում գումար լինի, որ դրանից էլ ասեն՝ սա թոշակների համար, սա առողջապահության համար, էս ուսման համար, էս երիտասարդ ընտանիքների համար»։ Նա առաջարկեց, որ պետությունը մինչև 3 մլն դրամի վարկ ունեցողներին ներում շնորհի։
Աառավել մանրամասն՝ տեսանյութում։
