ՀԱՊԿ-ն ակնկալում է, որ ՀՀ-ի և Ադրբեջանի հարաբերությունների կարգավորումը կհանգեցնի Հարավային Կովկասում հուսալի և կայուն խաղաղության։ Այս մասին հայտարարել է Հավաքական անվտանգության պայմանագրի կազմակերպության գլխավոր քարտուղար Թաալաթբեկ Մասադիկովը՝ ՀԱՊԿ-ի խորհրդարանական վեհաժողովի խորհրդի նիստում։
«Մենք շարունակում ենք ուշադիր հետևել Կովկասում տիրող իրավիճակին։ Այնտեղ, կարծես, շարունակվում են կայուն խաղաղության և կայունության որոնումները։ Մենք նկատում ենք խրախուսական միտումներ՝ ուղղված երկու երկրների միջև համապարփակ միջպետական խաղաղության համաձայնագրի ստորագրմանը։ Մենք կարծում ենք, որ հայ-ադրբեջանական հարաբերությունների կարգավորումը Հարավային Կովկասում կայուն խաղաղության և կայունության հուսալի ուղի է», — նշել է նա, փոխանցում է ՏԱՍՍ-ը։
