Մերձավոր Արևելքում մարտական գործողությունները շարունակվում են՝ մեծացնելով լարվածությունը տարածաշրջանում և առաջացնելով միջազգային հանրության մտահոգությունը։ Ռազմական հարվածները և կողմերի պատասխան գործողությունները շարունակում են անդրադառնալ ոչ միայն տարածաշրջանի երկրների, այլև համաշխարհային տնտեսական իրավիճակի վրա։
Կիրակի գիշերը Մերձավոր Արևելքում տեղի ունեցած առանցքային իրադարձությունների համառոտ ամփոփումը։
ԱՄՆ նախագահ Դոնալդ Թրամփը Truth Social սոցիալական ցանցում հայտարարել է Թեհրանին հասցված զանգվածային հարվածի հետևանքով Իրանի «բազմաթիվ ռազմական ղեկավարների» զոհվելու մասին։
Բահրեյնի Bapco նավթավերամշակման գործարանում հրդեհ է բռնկվել հրթիռակոծության և պայթուցիկով բեռնված անօդաչու թռչող սարքերի հարվածների հետևանքով։
ԱՄՆ կառավարության աղբյուրը Al Jazeera հեռուստաալիքին հայտնել է խոցված F-15E-ի անձնակազմի անհետ կորած անդամի հայտնաբերման մասին։ Ըստ վերջին տեղեկությունների՝ նա չի լքել Իրանի տարածքը, և նրան փրկելու փորձ է արվել։
