Այսօր վաղ առավոտյան Ռուսաստանի Կրասնոդար քաղաքում խոշոր հրդեհ է բռնկվել Wildberries-ի լոգիստիկ համալիրում։ Տեղում աշխատում են ավելի քան 100 հրշեջներ և տասնյակ հատուկ տեխնիկա, իսկ կրակը մարելու համար ներգրավվել է նաև ուղղաթիռ։ Սև ծխի հսկայական սյունը տեսանելի է քաղաքի տարբեր հատվածներից։
Նախնական տեղեկությունների համաձայն՝ հրդեհը սկսվել է գիշերային անօդաչու թռչող սարքերի հարձակումից հետո։ Համալիրի աշխատակիցները ժամանակին տարհանվել են, իսկ իշխանությունները շարունակում են գնահատել վնասների ծավալը և պարզել միջադեպի բոլոր հանգամանքները։
Դեպքի վայրում արտակարգ ծառայությունները շարունակում են աշխատանքները, իսկ պաշտոնական տվյալները պարբերաբար թարմացվում են։
