Վենեսուելայում ավերիչ երկրաշարժի հետևանքով զոհվածների թիվը հասել է 4,829-ի, հայտնել է հանրապետության Ազգային ասամբլեայի նախագահ Խորխե Ռոդրիգեսը իր տելեգրամյան ալիքում, հաղորդում է ՏԱՍՍ-ը:
Ռոդրիգեսի հրապարակած կառավարական ամենօրյա տեղեկագրի համաձայն՝ վիրավորվել է 16,740 մարդ, 17,907-ը մնացել են անօթևան։ Ամբողջությամբ ավերվել է 190 շենք, 856-ը ստացել են զգալի վնասվածքներ։ Որոնողափրկարարական աշխատանքների ընթացքում փրկվել է 6,462 մարդ, 34,872 մարդ բուժում է ստացել բժշկական հաստատություններում։ Օգնություն է ցուցաբերվել 128,324 ընտանիքի, 20,857 մարդ տեղավորվել է 106 ժամանակավոր ճամբարներում, տուժածներին փոխանցվել է 10,063 տոննա սննդամթերք։
Հիշեցնենք, որ երկրաշարժը Վենեսուելայում տեղի է ունեցել հունիսի 24-ի երեկոյան։ Մոտ 40 վայրկյան տարբերությամբ գրանցվել է 7,2 և 7,5 մագնիտուդ ուժգնությամբ ստորգետնյա ցնցումների երկու շարք։ Դրանց էպիկենտրոնները գտնվել են միմյանցից 10 կմ հեռավորության վրա՝ Յարակույ նահանգում։ Երկրաշարժից հետո տեղի է ունեցել 1,284 հետցնցում։
