Վերջին շրջանում Lratvutyun.am-ի հետ զրուցած բնակիչները բարձրացնում են դժգոհություններ՝ կապված «Պրոֆ Ռոուդ» ընկերության իրականացրած ճանապարհաշինական աշխատանքների որակի հետ։
Նրանց պնդմամբ՝ որոշ ճանապարհահատվածներում ասֆալտապատումից կարճ ժամանակ անց՝ մի քանի ամսվա ընթացքում, ի հայտ են եկել ճաքեր, անհարթություններ և վնասված հատվածներ։
Բնակիչների խոսքով՝ նույն վայրերում կրկին առաջացել են փոսեր, ինչը ստիպում է մտածել, որ աշխատանքները չեն ապահովել երկարաժամկետ արդյունք։
Վարորդները նշում են, որ ճանապարհների վիճակը որոշ հատվածներում բացասաբար է անդրադառնում մեքենաների շահագործման վրա՝ առաջացնելով լրացուցիչ ծախսեր և անհարմարություններ։
Միաժամանակ արձանագրվում է, որ անձրևներից հետո որոշ հատվածներում ջուրը կուտակվում է, ինչը վկայում է հնարավոր խնդիրների մասին ջրահեռացման համակարգի կամ ասֆալտապատման որակի հետ կապված։
Հանրության շրջանում հնչում են կոչեր՝ պատասխանատու մարմինների կողմից իրականացնելու տեխնիկական ուսումնասիրություն և պարզաբանելու կատարված աշխատանքների համապատասխանությունը սահմանված շինարարական նորմերին։
Leave a Reply