Այդ միլիարդներով Ղարաբաղում թոշակներ են ստացել. Նիկոլ Փաշինյան

1996 թվականի Լիսաբոնի գագաթնաժողովում որոշում է ընդունվել, որ Ղարաբաղի հարցը պետք է լուծվեր ինքնորոշման սկզբունքով՝ Ադրբեջանի տարածքում ինքնակառավարվող միավորի կարգավիճակի շնորհմամբ։ Այս առաջարկի շրջանակներից դուրս հարցի լուծման որևէ այլ տարբերակ չի եղել։ Այս մասին մայիսի 18-ին Երևանում նախընտրական քարոզարշավի ժամանակ, պատասխանելով արցախցի Արթուր Օսիպյանի հարցերին, հայտարարել է արձակուրդում գտնվող Հայաստանի վարչապետ Նիկոլ Փաշինյանը, ով գլխավորում է երկրում այժմ կառավարող «Քաղացիական պայմանագիր» կուսակցության պատգամավորության թեկնածուների համամասնական ցուցակը։

Վերջինս Փաշինյանին հիշեցրել էր, որ Հայաստանը վետո էր դրել այդ փաստաթղթի ընդունման վրա։ «2019 թվականին սեղանին կար մի փաստաթուղթ, որը ենթադրում էր հանրաքվեի անցկացում, որտեղ կարող էր ներառվել նաև Արցախի անկախացման հարցը։ Այն փաստաթղթում, որը սեղանին էր, ոչ մի տող չկար այն մասին, որ Արցախի հարցը պետք է լուծվի Ադրբեջանի տարածքային ամբողջականության շրջանակներում»,- նշել է Օսիպյանը։

Փաշինյանը պատասխանել է, որ Ղարաբաղի հարցը կարող էր լուծվել միայն Ադրբեջանի կազմում։ «Ղարաբաղյան հարցը թակարդ էր՝ Հայաստանին թակարդում պահելու համար»,- հավելել է նա։

Օսիպյանը մատնանշել է Հայաստանի անկախության հռչակագրում շարադրված շահերն առաջ տանելու անհրաժեշտությունը։

Փաշինյանը պատասխանել է, որ չի ընդունում Անկախության հռչակագիրը, քանի որ այն հակապետական հռչակագիր է։

Այնուհետև Օսիպյանը հայտարարել է. «Քանի դեռ դուք միլիարդավոր դրամներ էիք հատկացնում ղարաբաղյան կլանին ու աջակցում նրանց, մենք պայքարում էինք այդ կլանի դեմ»։

Փաշինյանը պատասխանել է, որ այդ միլիարդներով Ղարաբաղում թոշակներ են ստացել։

Օսիպյանը հիշեցրել է, որ Ադրբեջանը պայման է դնում՝ ադրբեջանցիներին Հայաստանում բնակեցնելու վերաբերյալ։

Դրանից հետո Փաշինյանը բարձր տոնով հայտարարել է, որ նման հարց Հայաստանի օրակարգում չկա։ «Ինչո՞ւ ես ադրբեջանական նարատիվներ առաջ տանում»,- հարցրել է նա։

«Դուք ինքներդ եք ադրբեջանական նարատիվներ առաջ տանում»,- պատասխանել է Օսիպյանը՝ կոչ անելով իջեցնել խոսակցության տոնը։

Դրանից հետո Փաշինյանը արցախցիներին մեղադրել է այն բանում, որ նրանք չեն կառուցել Արցախը։

Այնուհետև իրավիճակն էլ ավելի է շիկացել, և թիկնապահները հեռացրել են Օսիպյանին։ Փաշինյանը նրա հետևից ասել է. «Ռադդ քաշի համբալի մեկը։ Այդ ղարաբաղյան փսևդոէլիտաները թող ռադ ըլնեն ստեղից։ Արա՛ այ, փախածներ… Դու ի՞նչ գործ ունես ստեղ ընդհանրապես։ Էս ովքե՞ր են արա սրանք։ Ղարաբաղի կեղծ էլիտաներն եկել մատ են թափ տալիս։ Ռադներդ քաշեք ընդհանրապես։ Արթո՛ւր Օսիպյան, գլուխդ պատով ես տվել։ Գնայիր զոհվեիր մեր երեխեքի փոխարեն։ Թալանչինե՛ր, անասուննե՛ր։ Դուք Ղարաբաղի ժողովրդին եք պատանդ վերցրել։ Դու խի՞ ես կենդանի ընդհանրապես, որ որ մի հատ էլ 5000 զոհերից ես խոսում, ա՛յ տականք։ Շահրամանյանն ինչի՞ է կենդանի, մյուսները… Ձեր այդպես կոչված խորհրդարանի պատգամավորներն ինչի՞ են կենդանի։

Հայաստանում կա Ազգային ժողով, Ղարաբաղի կառավարություն։ Ես բոլորին արմատախիլ եմ անելու», — նշել է Փաշինյանը։