Հարգելի՛ ընկերներ,
Ինչպես արդեն գիտեք, «Բարոյական Արժեքներ» կուսակցությունը չի մասնակցելու հունիսի 7-ին կայանալիք ԱԺ ընտրություններին։ Պատճառը անհրաժեշտ ֆինանսական միջոցների բացակայությունն էր։ Սակայն դա ամենևին չի նշանակում, որ այդ ուղղությամբ աշխատանքներ չեն տարվել։ Մենք ունեցել ենք բազմաթիվ հանդիպումներ, քննարկումներ և առաջարկներ տարբեր քաղաքական ուժերի ու գործիչների հետ, սակայն արդյունքում չենք կարողացել հասնել այնպիսի փոխադարձ համաձայնության, որը կհամապատասխաներ մեր գաղափարական սկզբունքներին և քաղաքական պատկերացումներին։
«Բարոյական Արժեքներ» կուսակցությունը մշտապես հայտարարել է, որ հանդիսանում է հեղափոխական գաղափարներ կրող քաղաքական ուժ և հանդես է գալիս առողջ ընդդիմության դիրքերից։ Այո՛, մենք ունենք տարաձայնություններ գործող իշխանությունների հետ, սակայն միաժամանակ չենք կարող չարձանագրել այն դրական փոփոխությունները, որոնք տեղի են ունեցել վերջին ութ տարիների ընթացքում։
Հաշվի առնելով Հայաստանի շուրջ ստեղծված ներքաղաքական և աշխարհաքաղաքական իրավիճակը՝ «Բարոյական Արժեքներ» կուսակցությունը հայտարարում է, որ իր աջակցությունն է հայտնում «Քաղաքացիական Պայմանագիր» կուսակցությանը։
Հայտարարությունը ներկայացրել է «Բարոյական Արժեքներ» կուսակցության նախագահ Սիմոն Պետրոսյանը։
Leave a Reply