Ուկրաինան ավարտել է «Դրուժբա» խողովակաշարի վերանորոգումը և կարող է վերսկսել աշխատանքը, այս մասին ասել է Ուկրաինայի նախագահ Վլադիմիր Զելենսկին։
«Ինչպես համաձայնեցված էր Եվրամիության հետ մեր շփումներում` Ուկրաինան ավարտել է «Դրուժբա» խողովակաշարի այն հատվածի վերանորոգումը, որը վնասվել էր ռուսական հարվածից։ Խողովակաշարը կարող է վերսկսել աշխատանքը։ Չնայած ոչ ոք չի կարող երաշխավորել, որ ռուսական հարվածները խողովակաշարային ենթակառուցվածքներին չեն կրկնվի, մեր մասնագետները ապահովել են խողովակաշարային համակարգի և սարքավորումների գործունեությունը վերսկսելու հիմնական պայմանները», — հայտարարել է Ուկրաինայի առաջնորդը։
