ԱՄՆ նախագահ Դոնալդ Թրամփը New York Post-ին տված հարցազրույցում հաստատել է, որ փոխնախագահ Ջեյ Դի Վենսի, հատուկ բանագնաց Սթիվ Ուիթքոֆի և խորհրդական Ջարեդ Քուշների գլխավորած բարձրաստիճան պատվիրակությունն արդեն ուղևորվում է Պակիստան և մի քանի ժամից վայրէջք կկատարի Իսլամաբադում։
Չնայած Իրանի կողմից հնչող հակասական հայտարարություններին՝ Թրամփը վստահություն է հայտնել, որ բանակցությունները կկայանան՝ նշելով. «Այս պահին ենթադրում եմ, որ ոչ ոք խաղեր չի տալիս»։
Նախագահը շեշտել է, որ ԱՄՆ-ի հիմնական պահանջը մնում է անփոփոխ՝ Իրանը պետք է լիովին հրաժարվի միջուկային զենք ստեղծելու հավակնություններից։ Թրամփը նաև պատրաստակամություն է հայտնել անձամբ հանդիպել Իրանի բարձրագույն ղեկավարության հետ, եթե բանակցություններում բեկում գրանցվի։
Միևնույն ժամանակ, նա նախազգուշացրել է, որ եթե Թեհրանը չկատարի պահանջները կամ բանակցությունները տապալվեն, հետևանքները «գեղեցիկ չեն լինի», հատկապես երբ մոտենում է հրադադարի ավարտի ժամկետը։
