Իրանը դեռ մտադիր չէ պատվիրակություն ուղարկել ԱՄՆ-ի հետ բանակցությունների. քանի դեռ ծովային շրջափակումը շարունակվում է, բանակցություններ չեն կայանա, հայտնում է Tasnim-ը։
Ըստ իրանական լրատվամիջոցի, բանակցությունների առաջին փուլի ավարտից հետո վերջին օրերին Իրանի և ԱՄՆ-ի միջև ուղերձների փոխանակումը պակիստանցի միջնորդի միջոցով շարունակվել է։
Ուղերձների այս փոխանակումը բանակցությունների առաջին փուլի ընթացքում սկսված գործընթացի յուրատեսակ շարունակությունն էր. այն նույն գործընթացի, որն ի վերջո հանգեցրեց բանակցությունների ձախողմանը՝ ամերիկացիների չափազանց մեծ հավակնությունների պատճառով։
Այդ բանակցությունների ավարտից հետո պակիստանցի միջնորդը վերջին շրջանում շարունակել է ուղերձների փոխանակումը։ Իրանական թիմն ընդգծել է, որ ոչ մի բանակցություն չի լինի, քանի դեռ Թրամփը չի հայտարարել Իրանի ծովային ապաշրջափակման մասին։
Ավելի վաղ CNN հեռուստաալիքը, վկայակոչելով իրանական աղբյուրները, հայտնել էր, որ Թեհրանի ներկայացուցիչները բանակցությունների համար երեքշաբթի կժամանեն Պակիստան։
Իր հերթին ԱՄՆ նախագահ Դոնալդ Թրամփը հայտնել էր, որ Պակիստանի մայրաքաղաք Իսլամաբադ կմեկնեն իր հատուկ բանագնացներ Սթիվ Ուիթքոֆն ու Ջարեդ Քուշները։
