Վարչապետ Նիկոլ Փաշինյանը երեկ Մոսկվայում երկաթուղու հետ կապված մանրամասն քննարկում է ունեցել։
«Մանրամասն զրույց ենք ունեցել, ներկայացրել ենք մեր դիրքորոշումներն ու տեսակետները, լսել ենք նաև ռուսաստանցի գործընկերների դիրքորոշումները», — լրագրողներին ասաց նա։
Կողմերը պայմանավորվել են շարունակել երկխոսությունը։
«Մենք Ռուսաստանի հետ կապված խնդիր չունենք, բարձր ենք գնահատում մեր բարեկամական հարաբերությունները ու չենք ուզում որևէ կերպ վնաս հասցնել Ռուսաստանի շահերին»,- ընդգծեց նա։
Փաշինյանն ասաց, որ ռուսական կողմի հետ պետք է մտածել, թե ինչ լուծումներ են անհրաժեշտ։
