«Էրեբունի» ճառագայթային թերապիայի կենտրոնում Հայաստանում առաջին անգամ իրականացվել է ոսկրածուծի փոխպատվաստմանը նախորդող ամբողջ մարմնի ճառագայթում։ 38-ամյա տղամարդը, ում մոտ ախտորոշվել է Հոջքինի լիմֆոմա, արդեն ստացել է բարձր դոզայով քիմիաթերապիայի կուրս, ապա իրականացվել է ամբողջ մարմնի ճառագայթային թերապիա, որից հետո էլ կկատարվի ոսկրածուծի փոխպատվաստումը։
Այս բարդ միջամտության նախապատրաստումը «Էրեբունի» ճառագայթային թերապիայի կենտրոնում մեկնարկել է պացիենտի քիմիաթերապևտիկ բուժումը սկսելուց առաջ։ Քանի որ բուժման այս հաջորդական մեթոդի ժամանակ շատ կարևոր է ժամկետների պահպանումը. պացիենտը պետք է բուժման բոլոր փուլերն անցնի՝ խստորեն հետևելով նախապես կազմված ժամանակացույցին։ Այսինքն, կենտրոնը պետք է պատրաստ լիներ ընդունելու պացիենտին, հենց որ նա ավարտեր քիմիաթերապիայի կուրսը։
Մանրամասները՝ տեսանյութում։
