Ճապոնիայի վարչապետ Սանաե Տակաիչին մարտի 19-ին Վաշինգտոնում ԱՄՆ նախագահ Դոնալդ Թրամփի հետ բանակցությունների ժամանակ որևէ կոնկրետ խոստում չի տվել Հորմուզի նեղուցում նավագնացության անվտանգության ապահովմանը երկրի մասնակցության վերաբերյալ:
Այս մասին Տոկիոյում մամուլի ասուլիսում հայտարարել է կաբինետի գլխավոր քարտուղար Մինորու Կիհարան։
Նա խոստովանել է, որ Վաշինգտոնում կայացած հանդիպման ժամանակ Թրամփը կոչ է արել Տոկիոյին նպաստել Հորմուզի նեղուցում նավագնացության անվտանգության ապահովմանը:
«Այնուամենայնիվ, Ճապոնիան որևէ կոնկրետ խոստում չի տվել այս առումով. նման բան երբեք տեղի չի ունեցել»,- ընդգծել է կաբինետի գլխավոր քարտուղարը: Նա նաև նշել է, որ հրադադարից հետո այդ տարածք ճապոնական նավատորմ ուղարկելու վերաբերյալ որևէ որոշում չի կայացվել:
